صل على الحبيب
إيه هو برنامج الآرت كام ودوره إيه بالضبط ؟
هي الماكينة بتشتغل إزاي ؟
هو إيه السوفت ووير ال بتشتغل به الماكينة ؟ وهل يختلف عن الآرت كام ؟
طيب إزاي أعرف أعمل التصميمات بتاعتي ؟
وهل أنا لازم أكون محترف في برامج التصميم علشان أعرف أشغل الماكينة ؟
.............
ده نوع من التساؤلات إل بتدور في دماغنا لما بنيجي نقرر نشتري راوتر سي إن سي وساعتها بنكون عايزين نعرف إجابة لكل الأسئلة بتاعتنا
إحنا قررنا إننا نساعدكم ونكتب نبذة عن برنامج " الآرت كام " ArtCAM وإستخداماته
برجاء الاشتراك فـــ قناة اليوتيوب
* إيه هو برنامج الآرت كام ده بقي ؟
بص يا سيدي ..
بصيت ؟؟
ده برنامج خاص بعمل التصميمات تو دي وثري دي وتقدر من خلاله إما إنك ترسم بنفسك .. أو تستورد تصميم جاهز من برنامج آخر .. أو تحول صورة كمان عليه لرسمة بسهولة جداً سواء 2D أو 3D
لكن ممكن تستخدم برامج أخرى في الرسم والتصميم لو إنت عندك خبرة سابقة ببرامج زي الأتوكاد أو الكوريل درو أو الإليستريتور أو الثري دي ماكس أو المايا وغيرهم من برامج التصميم
................
** هل الشغل الأساسي بتاع البرنامج الرسم والتصميم بس .. ؟؟
بالطبع لأ .. برغم إن البرنامج رائع وبارع في الرسم والتصميم وينافس فيه كبار البرامج السابق ذكرها
ولكن يبقى الشق الأهم والميزة الرئيسية في البرنامج وال مش موجودة في باقي برامج التصميم وهي إنه بيقدر يعمل عمليات الحفر أو التقطيع بطرق كتيرة جدا على الرسم بكل أنواعه واختيار البنط وتحديد سرعة القطع والعديد من الخيارات الأخرى .. وكمان بيخرج كود البرمجة إل بتقدر تفهمه الماكينة باللغة بتاعتها وال إسمها لغة الجي كود " GM Code "
يعني بالمختصر المفيد هو همزة الوصل بينك وبين الماكينة أو بمعنى أصح بيقوم بدور " المترجم "
.................
** هل لازم أكون بعرف أرسم علي برامج تانية علشان أقدر أشتغل علي الآرت كام ؟
لا مش لازم تكون بتشتغل علي برامج رسم تانية لكن طبعا هتكون حاجة جميلة لو بتعرف تشتغل علي برامج زي الأتوكاد .. أو الكوريل درو .. ده هيساعدك كتير وانت بتشتغل علي الآرت كام لأن فكرة التصميم واحدة ... لكن زي ما قلنا مش شرط إنك تكون بتعرف تصمم علي برامج تانية علشان تعرف تشتغل علي الآرت كام
للتحميل الملف مجاني